Teex lengleng ke seereer a fajooraa
Xar refu teex?
Teex no ga es refu ke andoona yee o n’aamangaan ,mbaat o b’ogwin mbaat humwin mbaat muu waaganoona o fi xan a saytooxoong mbaat wodnong no taamaala ke na ngaraa mbaat we ndefna fa wo.
Ndiiki koy a jega teex leng leng ke seereer a fajooraa;
Soo xam eet o lay no teex ke andoona yee a mbaaga o njiriinoorel na farmasi soo sog o doon teen itam teex leng leng kaa andoona yee xecna xalaat no kiin waagee lay ne ta fajtaa
Kene koy kaa um bindan refee ndax um fan mbaat um ga a tinooraa o and es ndaa kaa um fi in ndax um lalit ke ref na qaac`oor no seereer
Eetu xa pas{ Acacia Albida }saas. Mbaat xa pas nnqel ndeetu ke o seereer a fajtoogna ofud o niqiil. weene koo xoojan soo yeraa foof leene
A naf nqut`Guiera senegalensis mbalaa yaay o o yipin no kastinoor soo jawin
yeran ten naang ` u foorniteel o kurfaan.
O njaac` a yoob“a o jeg nes ndiiki koy wiin we njeg ee naa da mbi `na boo and nes ne dam na oxeene ndaa a yoob` `a fi aneel o sanq
A jega xa pasong xa saq xa mayu ndaa we ilimkaa ndefu:
Okiin oxe kaa waranoogel a cek soo jawin a yipteen suukar mbaat suum soo a naamin keene ataxooga ta waslaa.
A paj Mbacar alaa b`ooleena oxot mboqoos ne b`oolooxna o nugin mbid`el siip`e soo jud`in ab`elaangaa o ciru xe waa naamaa mbid`el keene soo yaaga nes um a watooga
Foof le yaayteena maalo maalo; forand ole yipeen no kaas soo yip xaa p`ek xa leng leng suukar neene mat o yerangaan xan a waag o d`eg o fud o rax of
A paj ake Cassia sieberina :seelunq a mbat nooga o fud od`om ndaa it o naanga jafenooran fi i ondang baa hup mojtaa o refaangaa o koor
Xec`na a doma layel ndax o kiin a fi`in xaye ndaa a seed naak itam a yernooge o njaac` ndax ta waas a seed njong fo a seed po `oy a ndoona yee ke moj na omay nes na fi an.
Ojegangaa ndiiki mukij walaa ngaanax xa kak soop`Tamarindus indica xa une d`uman no ngaanax ne keene a dimlee `ooga na bodand ale Karute abaatooge teen
A teex mbaat naaje naaje a rokagaa no nof of xa tim o mbuubeen waat`ooge ta xup`andel o yipin no nof ne soo keene a taxooga boo o tomolwaa ndot`ke fop kaa sutwaale a ndooroogu
O julmbuwangaa ndak fo ndak d`eetii kam foofi tooxan a wat mbaat boog xooyi oxe matoonga ta wuud`anong a ngidof
Soo o naanga naammaa boo o hiic` a meet`ong ;xoti o buq mbid`el mbaat a t`ang
O jegangaa kena fi xa pus a naxanaa no cer of a waaga ref nen dilap`aal xoti Mindaal o jud`in soo soo foof le na yoqkaa o soocin no me xa pus axe ndefna.
Ke na xoyeel Pom kaa xayaa. koo xotan weernin soo unin soo yipteen foofi; keene o duumwa ngaan soo yer lakas ke:ba weec osid`an boo o yeran; anaanga ofudnaa a sumaanno njaac` mbaat o maak
Akop` neen Diospiros mespiliformis xaune soo yip teen foofi sid`in soo foof leene o yipin no njic`ax keene kaa taxaa ta moj` o xiis
a naf p`aak Adansonia digitata Na xoyeel laalo keene a o unangaan yip teen foofi oxoolangaan muumeen faa o fud maa suuj` na nen naak keee kaa taxaa ta rimbaaj
Keene itam rew maak we a njiriinooroogaan yaa o tew a N/atu` ina ten tek tu yee yaa ta wajoog na onoot too ta xoxaa. keene a taxooga noot ne anof
xa tim a xe no p`aak ne a jiriinoorooge ndax yaam o fud o rax no njaac` walaa o maak
Xotibuteel Eucaliptus alba A naf ake o waj`na ngaa den yipteen suum fa fo sis keene a naa watnaa Xij laa yoon na fo o kurfaan
