A cangin a peraand ake
Keeke refu a cangin a eetaand ake wetandooxuuma faap es a jang na xam:
_Acangtax ake
_1
Yaa xaroo kene?
Acek oo
Xaa fi aa?
Kaa saakaa
Raxeen
Jegiim o loq
Am o loq
Kis! Afadka
2
Godaam somb nee
somb naa na Bombe
bombe Samba njaay ndeb’ Laatir garang
Dibaam okoor boo maafin b’olin
Mal ambokatoor kaa mbi na jagee
Jagee jagee boo took a Lambaay
Lambaay Lambaay, waa naak ma c’ufaa
Pambe kene jiktuuma naak ke na den
Jeg aam ngaab’ee fuud’in mbaambar
Acek a saakin
Cek alaa lay ee:” Gombaleen mbuuqun
Mal num Oo oy
fanum Oo oy
Oo oy Waagaan
Oo oy Waagaan kumba saanjaan omaad ee gin suklaane
Gin suklaane mita kooree Fay ee. Jeg c’aar yoob’ee
Jeg c’aar a yoob’angee laanaam o rimaag ole ndeb’ Laatir Garang
Ombiicee riw riw riw.
_3
Acangtax aleene kaa fi eel yaa nu ndef na xa caac’ xa t’aq boo no suungaan too nu mbug o n”as too coow jeg kee mbaat a kaat
moofyo o mbin~ o leng soo letin acaf a ke soo kiin na nuun a layaa cangtax ale soo alimaale aa acaf ake nuun na caf no xuu ta falakit na ta tuu’ acaf um oxena falak kaa o tuut’ a caf um ten na jang kaa a laay ale
_Ndol yee ndoli
Ndoli maam kura
Maam kura Jikee
jike kor B’ande
Fagun faak rim eem
Jegiim o xaa maaduuna
Ngerkendel amaadin
Gerkendel oo Seen dam roog oo maado diimbun
Moon Seen nguti nguti j’axanaam payes
Oj’axangaan yaasaam: Kaasiyee kaasi kid a t’om ake yee coleet ee cot
Sop’aam goor a n~aamaa laalo
N~aamaa kiim laalo
Kor kodu toqet toqet
Naak ke no foomboot’ o le yeraa t’ang fo soow
Gin farax rax rax
Gin farax ee rax
Onjap lo nqaa Maam Yaande fool boo took ee T’ec’
Itoqtaa mod’
Anax ake
Naa ta reet’ reet’
-Naaga maad u maad
Keene refu ke na eetteel na nax
Anax a reef maaga afag: O n”at’ a roxondoox a roog um a saayaa lanq ke , a j’ax guru a kac agugujaanoox o maag o muum. Meesees a fool b’ic a fakaa o ndama
Keene refu ke a nax a paang teel
Moon fo o gaynaak ole
Bes goorodeb’ a gay ka
Ye ta ret na boo kop’o njende, a xeta fa Tokoor Moon
Tokoor Moon a ga aan too sawara boo waagiran o n’ak o lalit
A feca fec boo ta sum soo ta wid o siir ole Goorodeb’ saa gar a geenu paam um.
Goor o deb’ a and ee xaye koy a fi angee ondag rek xaad kee fo b’in’ fambe
Ta lay taa no yiif um ee geenooxi um naxin
A layaan ee:”Tokoor moon: Faap es kaa lay aam ee tin” nin”it’ nin”it’ ! oxetangaa fo tokoor moon ee tin` nin`nin`it` nin`it` o coox no njuk o neer ee tin` nin`it`, o coox no may fo soow ee tin` nin`it` nin`it`
Naaga Moon a sawara lool yaam ke o goor ole layuuna . Soo a dalfoox olay o goor ole yee : ” Faap faap of ndig la layu faap of ndig la layu. soo kam cawarte neene moon a god o joor boo a got`ik soo a dak wo numtuwiid me goor o deb`. goor o deb` o mat kaa n`of u raxaa pambe um a b`akandaa farna fa saate faa.
Neene moo a d`eeta too a ga a yee gooro o deb` ref a tee me ta sop` uuna
A laayaan ee” Gooro o deb` mene sop` oongon a doonaan ee ” gooro o debè a doonin eeca wo oo koytokoor moon d`eeti ceec` ne d`eeta lanq.
Naaga moon a d`eettookad`eet alanq too a ga a eeNjeec` ne suptooxee me ta reet` na.
A dalfooxa o b`aat a laam ta goor o deb` ee ii layangaam koy ne faap fa lay oonga deng deng. Goor o deb` a doonin ee: “Faap es kaa lay aamee tin` nin`it` nin`it` o xetangaa fa tokoor moon ee tin`nin`it`nin`it` o coox no njuk oneer ee tin` nin`it`nin`it o coox no may fo soow ee tin`nit`nin`it`
Moon a dal foox o b`aat o sawar soo a dak wo faecu soo a j’ufaxin boo a jol me ta eet ’ ina o day soo a b’aat o nomtooxiid a laya a goor o deb’ eee goor o deb’ nam faap fa lay ’ ong deng waay.
Naaga koy a sop’ ’ a ogoor ole a lay a baa um iin ee a jega o moon ole na topaxam. Neene koy baa umiin a ndalfoo o p’eng fo a teex.
ye moon a fadiid na rek da ndalfo njuuk na teex boo ndet ne moon a girdu. Ne ta waag ’ a teer na j’uf a paax koy a goorgoorlooxa rek too a j’uf ta taa a caf a paabaam ake. kaa latoogu yee:” Bol o rak es waagee yaqan um fadik fooni. ” boo neene a mo ‘u a den menteng. keene mat taxu a caf a ciijiing no moon a ndap’ yaam o rak ole kaa gordoox.
ke a nax ale waag na o jangna in refu nyee o njaac’ kaa war o j’ij’aa , moj’ taa koy na wax tu faa yaaga andoona yee xa caac’ a xe kaa ngayoogu na kop’ o njende me a ndoona yee a mbaa nqetaa fo saasaay ke.
Moon fa ndol a njikooka ya ke den
Otoog oxe na fanaa xa pes
Kaanju
