The Seereer`s meals:caw ke seereer a jawaa
Kene koy Juufeen we njegun xec`na Faafay we o ndik rek a njegu teen
Boo um helko fo feraa rek kaa tax kaa um wetandoox a nax ateb` ale juufeen a mbi ina.
Nu anda yee koy o Cuufeen naa moofu kaa bug B`aak . Neene koy Juufeen dik a yoona a mafanu pis den; anjoona p`aak too ajega b`aak le sam ina a lanq neene angisa b`aak le. ndaa ndax da ngefin a layrayo a ndeer den ee mam i ngefit kaa b`aak le o leng oxe a laya yee took xoox le no pis ne .
A naangaano yo tuc` no xoox le no pis ne, soo pis ne yee dal a xon. Da layee ah keene de jegee o njaaxd`ataan yaam inaka pis ndaa i njega b`aak
Soo a ndalfoox o mod`aa anqaadaa. keene taxu faafay we and ee na adna fee fop o cuufeen moj`u bug a naam
N`en`ebaan
Keene fog no cacaw ke moj`uuma o bug
Ndax ta jawel neeke a fi teel
Ndiiki xoti mbid`el kaaf of o fosolin soo wuunnin buunaan leng kut. xottin yipin no p`axaxan o laa waagna o wegoox boo nqen ne rokiid kee
Ndiiki koy a sop` jegaa xa pax ngaan naa andoona yee koo xooj`in boo ta xuq. xott foof leene soo oyipin no saac`keene mbuunin eene. fat o fi in bo ta yaayoor nen xa caakre . afni fop xajj`in boo a neew neew boo bax tu b`etuu t`ik.
A fadangaa apteen yipteen suukar mbaat suum soo neene waagaa o yeraa
En fait ce la peut etre ameliore en a joutant peut etre par des aromes actuels
Ngurb`aan
Njaw neene no ga es reet`u a put ale moj` `eena o jawaa no caate ke no seereer ke boo no xa kiid axe 2000
Ndax o jaw ngurb`aan koyj jafenee dara.
fat ojeg c`aar toyu sik nen oliibaar no njaw ndax wiin betuk 5
C`aar koy ten refu ke andoona yee kaa rac`titel nono ngaak ne ye o tew oxe a unaa: eetu kaa soomaa a somit a doc`aat adoc`doc`in soo a sog kaa pal. no pal neene koy o tew oxe afi it kaa tame c`aar , soo xan ajeg kam tame ne a kalambooc` soo no p`axan ole ta jeg c`aar
Jeg foofi too foofi leene o eet kaa lij` na kaleera le soo xaj ta waj` boo oyipaa foof le koy meene o mat kurb`aan ke a moc`atir taa . yaam meene o yip taa ke jegoona no cawir.
Waagaa yip ndawal, a naaw, xa peet,` xanja, kecex, paan, tuufa mbaat lip` lakas nen yeet… Soo sog kaa b`aat teen mbid`el a areer soo xaj boo keene fop a b`el soo o sog o jemat`kaa
Ba weec o fod`axin koy.
Ndax o fod`axin waagaa jiriinoor liir fasaaP` mbaat B`aak mbaat daat` soop`.waagaa sumnin soomoonin soo yip foof le kam njaw ne
Keene fop a j`utangaa o sog o jon
Yipi C`aar ke xot i a qolof(ka efaa anaaq seelunq alaa d`egeena a xambandel boo a waag o jaxasaa )
jaxasin a paax ndax jeg kee ia kiin
Wani xa cuut` axe no njaw ne soo xa ji boo ngap kiis p`etik rek xan c`aar ke p`el
Soo o sog o yu no roon of
A jega kena xoyeel o ngali ngac keene koy felee a paax ngurb`aan na jegeerna a aareer oo soo jegee cawir lakas. keene kaa yoob` u o jaweel yaa wiin we ndefna no ndiig too naamir mayatee.
Neleng
Keene itam kaa fi teel c`aar mayu
Kaasi c`aar ke soo yipin no hinde soo wuunnin buunin eetaand
Buunin t`ikandeerne koy sogi yip teen mbidel a aareer b`aat o xaj` boo fop a wuun. Soo sog kaa yipin na kaleera le andoona yee xec`na yip aateenea naaw kecex mbaat sax diwliin faa ros eena . Ndax ta fi o picit koy lic` ne waree o magin
Fop a wuunangaa xoti kene hinde le soo yipin na kam a kaleera le soo jaxas soo sog kaa yu
O mbec`engel
Keene koo a kalambooc` a fi teel. A kalambooc` ake a mbaaga o inoor moj`taa na b`asi maac mbaat poot`
ke refna nguuta tirum fo njaw ngurb`aan refu yee naangee fod`axneel soo naagee o yipeel foofi fo mayu ndax ta xiis nen a toon
A toon
A toon koy o naanga jawan xan o jeg c`aar fo mbid`el
Sumni foof le soo sog o jon c`aar ke Asop`koy foolaa xa karaw axe yipeen kam njaw ne soo soo xaj` boo keene fop a bel a xiisangee yipi teen o ndik mbid`el beeru
A toon koy kaa yoonaa fo njic`ax
njic`ax neene a waaga o ref fo soow fo suukar mba fo suum
Njic`ax ne a waa ref Fasaap` fa yeeq faa fokat teena mbidel keene ne e o nqiiw
Njic`ax ne a waa ref b`aak mbaat xa seewFop a waaga suukartel suukar mbaat suum
Xa caakre mbaat o ngalax
Xa caakre mbaat o ngalax kaa fi teel eetu mbidel
Fosoli fi in xa karaw keene refu karaw mbid`el xa karaw xa podu a xaa njeg na o cigdel xa kac xa teb` axe na ngas soo wuun neen a caf a t`ak 2
D`angteen soo soo yipin no p`axan
Soo sog kaa xemban njic`ax of kam njic`ax ne waagaa yipteen qeenexeene nen aroom xa tim nen banaana resin…
Ndax o xemba o ngalax koy a areer acud`e o unaa mbaat o derin soo yipteen foofi moon b`aak yipinteen soo sog kaa yip suukar fo lakas ke osafnit kaa
Dami a paax: Foo neex o leene a waaga o jiriinoorel fo a toon maa kaa i layatan NATARI
O fet`it a i norteen a layaa yee:” o loq o dat b`aak a waagu ndaa waagee moof maaga a natari an”
SAAC`
Njaw neene koy boo meeke i ndef na ten refu ke na ju ooxeel a naktooxeel no caate ke no seereer ke.
Ndax o jaw saac` meeke saate in xan o xemban kaaf ke aneewneewn naal muum.Eetu xan osug kaaf ke: ndax o sug xott anaax ake fo pep denyipin no fap`soo dibaa o j`utangaa o feesin ndax o xaajran kaaf ke fo naax le o jutangaa o wonjol.
Soo sog kaa o sox: Ndax o sox xan o yipi pep ke no fap` yip foofi soosoo dibaa boo yaa soxon ke a mbat kaa o sog o xajin weernin o ndik soo sog o fid`in mbaat a feesin
O j`utangaa o yaay
Xoti pep ke o yipin na foofi laxad a den ne ta waageena o layit
O juta ngaa keene fop waa gaa geeka kaaf ke no roon mbaat na saxal soo xaaj`in ta weer.
Keene kaa fi oogel ndeer a put fo a cu ax
Boo a siik a layna koy meene o tew oxe a inoortoogu ndax ta un soo meene xa aun ne laytanma xa toor:soom boo no tung . meene o andit kaa ke o tew o xe a jaw kaa baa hend na c`aar :ngurb`aan, A kalambooc` o mbec`engel…
Mbid`el keene xan o tew oxe a xajin boo yaar o laa soo ta fosolin soo a sop` kaa ta fod`axat
Ta yipin no hinde le soo a wuunnin buunin eetaand( xa caac` a xe anaa matiidaa na waxtu feene ndax da ci el d`ang)
Buunin t`ikandeer koy teen a yipit kaa laalo fee” kaa ref a naf p`aak a kaa mbeer neena soo a unel boo ta fi mbid`el ” soo fop a wuunangaa osog o d`angit Fop a j`utangaa fid`i saac` ke fo tame sulir
Fo neex ole
Mayu a waaga o fi el fo neex
Ndaa kuu ta ref kaa fop oo Ke seereer ke a moj`na o and refu fo nee a aareer
A aareer acud`e fo kecex a cek lip`a aara sanq”a kurtut”…
A aareer a sanq fo a naf: ndun ndaamul xa qaasuup`…
Fo neex kecex mbaat lip` qup`u
Tegi teen lip` beeru ” xa paka wuud`
Saac` fo a tokol foofi
Saac` fo fo sis
Mbiij “saac` kaa siip`aandeena” fo xa soop`
Saac` fo a naaw fo lakas fo lakas
Ndax nu nju mbaat nunaktu o tew oxe a sumnooga foofi soo a yippin no saac` ke soo keene ne `e siip`
A waaga yip foofo b`uub`u keene ne e mbiij
